良心陀佛

2021年9月24日·1 分鐘文章

大家都知雀鳥會隨氣候而遷徙，而且佢哋更係內置GPS，即係識得自動導航認路，不過日前於紐約就出現奇怪現象，一星期之內竟然有數百隻雀鳥撞上紐約世貿中心大樓而死亡。

根據紐約志願團體New York City Audubon表示，從9月中開始已經有300多隻雀鳥因撞上大樓而死亡，其中一天早上就於地面發現226隻雀鳥屍體，非常恐怖。有專家估計可能係暴風雨令雀鳥飛唔到太高，同時令佢哋迷失方向，加上置身紐約，四圍都係城市燈光亦會影響雀鳥導航。其實世貿中心設計時已經用上不反光玻璃，正正係希望唔影響雀鳥導航，其中參與大樓設計嘅建築公司都話非常關注今次事件。不幸中之大幸係有77隻雀鳥只係受咗輕傷，目前被送往救援機構，等待康復就會放回野外呢。